ہمارا کھیل ہی دراصل ہماری پڑھائی ہوتی ہے . حماد صافی

بچے فطری طور پر کھیلنا کودنا پسند کرتے ہیں لہٰذا ہمارے سپر کڈ پروگرام میں ورچول اور فزیکل دونوں کھیل شامل کیے گئے ہیں ۔ جب میں پہلی بار سپرکڈز کا حصہ بنا تو مجھے محسوس ہوا تھا کہ یہاں تو پڑھائی سے ذیادہ پورا دن کھیل ہی کھیل میں گزر جاتا ہے۔ بعد میں مجھے معلوم ہوا کہ یہ سب ابتدا میں بچوں کی توجہ حاصل کرنے کے لیے کیاجاتا ہے ۔ جس کے مثبت نتائج میں نے خود بعد میں دیکھ لیے کہ جب میں خود گھر سے بھاگ بھاگ کر سپرکڈ پروگرام کی کلاس کےلیے پہنچ جاتا تھا ۔

بچوں کے اس پروگرام میں بہت سارے کھیل ہم ایک ساتھ کھیلتے ہیں . ورچول ریالٹی کے گیمزمیں بچے مخصوص قسم کی عینکیں آنکھوں پر لگا کر کھیلتے ہیں جس میں مختلف جگہوں کی سیر یعنی چاند کی سیر کرنا اور خود وہاں کے ماحول کو اپنی آنکھوں سے دیکھنا جنگل میں کسی مہم کو سر کرنا شامل ہے ۔ پہلی دفعہ استعمال کے دوران بچے ڈر بھی جاتے ہیں مگر ہم ان کی عینکیں اُتار کراُن کو ریلیکس کرنے میں بھی دیر نہیں لگاتے ۔ ورچورل ریالٹی میں بچوں کے لیے میں نے خود گیمز پسند کیےہیں اور میں نے اس بات کا اس میں خیال رکھا کہ بچوں کو کھیل کے دوران بھی سیکھنے کے لیے مواد ملے . اس کے علاوہ جسمانی کھیل میں ہمارے پاس کرکٹ ، فٹ بال ، کراٹے اور سوئمنگ بچوں کی فیورٹ ہے . پاکستان میں چونکہ کرکٹ کی مقبولیت زیادہ ہے اسی وجہ سے بچے زیادہ تر نمبر لگا کر کھیلنا پسند کرتے ہیں جس سے بچے بہت جلد ایک دوسرے سے مانوس ہوجاتے ہیں اور ہمارے ساتھ پروگرام میں بھی دلچسپی لینا شروع کر دیتے ہیں .

ہفتے میں دو بار بچے اسلام آباد کے پرفضا مقامات کی سیر پر نکلتے ہیں جہاں یہ بچے پورا دن اپنی مرضی سے وہاں گزارکر بہت کچھ سیکھتے ہیں . مثلا سفر کے دوران کیا کیا چیزیں ضروری ہوتی ہے اگر جنگل میں پھنس جائے اور کھانے کے لئے بھی کچھ موجود نہ ہو تو انسان کو ان حالات میں کیسے خود کو بچانا ہے . اس کے ساتھ ساتھ انسانی زندگی بچانے کے لئے فرسٹ ایڈ باکس کی اہمیت اور اس میں شامل تمام چیزوں کا استعمال بھی بچوں کو سیکھایا جاتا ہے . تاکہ بچے کسی بھی ہنگامی صورتحال کے دوران خود کی اور دوسروں کی مدد کرسکے . دنیا بھر کے ترقی یافتہ ممالک کے سکولوں میں ان چیزوں کو لازمی قرار دیا گیا ہے . وہاں تو بچوں کو پولیس اور فوجی ٹریننگ کم عمری ہی میں دینا شروع کر دیتے ہیں . اور یہ وہاں کی حکومتوں نے اپنے لوگوں پر لازمی قرار دیا ہے . .